Rone Se Aur Ishq Mein Be_Baak Ho Gaye

Rone Se Aur Ishq Mein Be_Baak Ho Gaye
Dhoye Gaye Ham 'Eise Ki Bas Paak Ho Gaye

Sarf-E-Baha-E-Mai Hue Aalaat-E-Maikashee
The; Ye Hee Do Hisaab, So Yon Paak Ho Gaye

Ruswa-E-Dahar Go Hue Aawaargee Se Tum
Baare Tabeeyaton Ke To Chaalaak Ho Gaye

Kehta Hai Kaun Naala-E-Bulbul Ko Be_Asar
Parde Mein Gul Ke Laakh Jigar Chaak Ho Gaye

Pooche Hai Kya Wujood-O-Adam 'Ehl-E-Shauq Ka
Aap Apnee Aag Se Khas-O-Khaashaak Ho Gaye

Karne Gaye The; Usse Taghaaful Ka Ham Gila
Kee Ek Hee Nigaah Ki Bas Khaak Ho Gaye

Is Dhang Se Uthaayee Kal Usne 'Asad' Ki Laash
Dushman Bhee Jisko Dekhke Ghamnaak Ho Gaye

Be_Baak ~ Outspoken/Bold, Paak ~ Pure/Clean/Holy, Sarf ~ Expenditure,
Baha ~ Value/Price, Mai ~ Bar, Aalaat ~ Instruments/Apparatus, Maikashee ~ Boozing,
Dahar ~ World, Baare ~ Atlast, Chaak ~ Slit/Torn, Wujood ~ Existence, Adam ~ Non Existence, Khas-O-Khaashaak ~ Destroyed, Taghaaful ~ Negligence, Gila ~ Complaint, Khaak ~ Dust/Ashes, Ghamnaak ~ Grief Stricken.
~ Mirza Asadullaa Nkhaan Ghalib

Ek Muskhurahat....

Aap Ki Ek Muskhurahat Ne Hamare Hosh Uda Diye….
Hum Hosh Mein Aane Hee Wale The'Ke Aap Phir Se Muskura Diye…

Aapki Yaad Main...

Aap ki Yaad Main Ashq Bharta Hai Koi,
Har Saans Ke Saath Tujhe Yaad Karta Hai Koi,
Maut Tho Haqiqat Hai... Aani Hai,
Lekin Teri Judaai Mein Har Roz Marta Hai Koi.

Unki Mohabbat Ke.....

Unki Mohabbat Ke Abhi Nishaan Baki Hai,
Naam Lab Par Hai...
Aur Jaan Baki Hai.
Kya Hua Agar Dekh Kar Muh Pher Lete Hai,
Tasalli Hai Ke Shakal Ki Pehchaan Baki Hai …

Geele Kagaz ki....

Geele' Kagaz Ki Tarah Hai Zindagi Apni,
Koi Jalata Bhi Nahi,
Koi Bahata Bhi Nahi ...
Iss Kadar Akele Hai Dilki Raho Mei,
Koi Satata Bhi Nahi,
Koi Manata Bhi Nahi ...

USS NAZAR SE...

Khud Ko Khud Ki Khabar Na Lage,
Koi Accha Bhi Iss Kadar Na Lage
Aap Ko Dekha Hai Bas Uss Nazar Se,
Jis Nazar Se Aap Ko Nazar Na Lage….

Manzilein Aur Bhi Baki Hain…

Manzilein Aur Bhi Baki Hain…
Aarman Aur Bhi Hain…
Taron Se Aage Aasman Bhi Aur Hain...
Din Guzarta Hain Kuch Iss Tarah;
Ahsaan Utar tha Hai Koi;
Gham Sambal tha Hain Kuch Iss Tarah,
Jaise Ghaana Sammbhalata Hai Koi;
Aaina Dekhkar Thsali Hui…
Iss Ghar Main Janta Hai Koi

Ab Ke Hum Bichre' Tho Shayad ...

Ab Ke Hum Bichre' Tho Shayad ...
Ab Ke Hum Bichre’ Tho Shayad Kabhi Khabon Mein Milein
Jis Tarhan Sookhay Huay, Phool Kitabon Mein Milein
Ab Ke Hum Bichre’ Tho Shayad Kabhi Khabon Mein Milein
Ab Ke Hum Bichre’ ...

Dhond Ujre’ Huay Logon Mein Wafa Ke Moti
Ye Khazane’ Thuje Mumkin Hai Kharabon Mein Milein
Ab Ke Hum Bichre’ Tho Shayad Kabhi Khabon Mein Milein
Ab Ke Hum Bichre’ ...

Tu Khuda Hai Na Mera Ishq FarshThon Jaisa
Donon Insaan Hain Tho Kyon Itna Hijaabon Mein Milein
Jis Taran Sookhay Huay Phool Kitabon Mein Milein
Ab Ke Hum Bichre’ Tho Shayad Kabhi Khabon Mein Milein
Ab Ke Hum Bichre’ ...

Ghum E Dunya Bhi Ghum E Yar Mein Shamil Kar Lo
Nasha Barhta Hai Sharab e’ Jo Sharabon Mein Milein
Ab Ke Hum Bichre’ Tho Shayad Kabhi Khabon Mein Milein
Ab Ke Hum Bichre’ ...

Ab Na Wo Mein Hon Na Tu Hai Na Wo Mazi Hai Faraz
Jaisay Do Saaay Tamanna Ke Sarabon Mein Milaein
Jis Taran Sookhay Huay Phool Kitabon Mein Milein
Ab Ke Hum Bichre’ Tho Shayad........

Ranjish he sahi,,,,,Ahmed Faraz

RRanjish he sahi dil he dukhaney ke liye aa
aa phir se mujhey chod.r ke janey ke liye aa

pehley se marasim na sahi phir bhi kabhi to
rasm-o-raah-e-dunya he nibhaney ke liye aa

kis kis ko bataiN gaiN judai ka sabab hum
tu mujh se Khafa hai to zamaney ke liye aa

kuch to mere pindaar-e-mohabbat ka bharam rakh
tu bhi to kabhi mujh ko mananey ke liye aa

ik umar se hooN lazzat-e-girya se bhi mehroom
aaey raahat-e-jaaN mujh ko rulaney ke liye aa

aab tak haiN dil-e-Khush_feham ko tujh se umeedaiN
yeh aaKhri shamaiN bhi bujhaney ke liye aa